Trachtenjugendtag 2017
Robert Stahuber, Renate Stahuber, Hardi Stahuber und Leonhard Kogler
A bsundas scheene Aufgab hod unsa 1. Vorstand am Trachtenjugenddog ghabt – unsane Wirtsleid, da Jaggl Harte und d‘ Renate san seid 40 Jahr‘ unsane Herbergsleid. Fia de Ehrung hod da Robert a netts Versal gschrim:
„Bis vor 40 Jahr ham’s beim Jaggl ghabt a ruhigs Lem,
dann ham’s an Trachtenverein de Herberg gem.
Seitdem werd jeds Jahr an Soi om Djadda gspuid und a Bühne einebaud,
danoch werds wieder obbaud und an Dochbon oder inzwischen im Dena verstaut.
Fürn Jugendabend hama oibä a Zelt auf da Sunseit an Schdoi und as Haus onebaut,
da Wirt und seine Leit ham Schbofaggä grillt, es war bärig und hod a lang daut.
In Eichan Obstgartn und auf da Wies’n hamma a Preismahn und -hoanzln durchzong,
obwoi Eicha WIesn ehm war, hod si mancha sei Sans sauba verbong.
Aa Eicha Festhalle hamma guad gnutzt mid Garten-, Mah- und Hoanzlfest und da Nochkirtagaude,
für gmiatliche Weinfesta, Kesselfleischessen, a boarische Muse – und aa diam moi a Laude.
Aus Eichan Kuhschdoi habt’s an großn und scheena Gewölbesoi gmacht,
do hamma jeds Jahr insan Hoagascht und beim Dorffasching wird Musi gmacht, aufdanzt und glacht.
Im Innenhof dean mia inzwischen den Jugenddog abhoid’n
Ihr kocht’s guad auf und de Junga dean den Namedog gschdoid’n.
Im Lokal und im Soi hamma scho oft an Kinderfasching ghobt,
ham Eicha Werkschdod nutz’n deafa und an Grill für Leitzach und Bergdog ausborgt.
In ungefähr 4.000 Plattlerbrob’n hamma Eich jede Menge Dreck und Schnee eina drong,
fias eihoaz’n, sauba macha und fia de guade Zusammenarbat meng ma iatz Vergelt’s God song.
Liabe Renate, liaba Harte, merce fia ois – mia hoffn auf a weidahin guade Zusammenarbeit in de naxtn 40 Jahr!
Foto: Barbara Kogler
[supsystic-social-sharing id=’2′]
