Gaufest 2017
Liabe Trachtlerinnen und Trachtler, es gfreid uns narrisch dasst’s heid so fleißig ausgruggt seids, und a herzlichs Dangschee nadiarle aa an unsa Häharoana Musi unter Leitung vom Sepp Mangstl!
A wahre Freid is des zum seh’n
wenn mehrere dausnd Trachtler midnand ins Gaufest 2017 in Bad Feilnbach geh’n.
128 Leid vom Trachtenverein „Alpengrün“ Großhöhenrain ham si heid sauba zammagricht,
zu Gottesdienst und Festzug unterm weiß-blauen Himme – a Gedicht!
An bärign Festzug ham de Jenbachtaler zamgstäid durch eanene Strass‘n,
Polizei und Feiawehr ham guad im Griff ghabt de ganzn Zuschauermassen.
A guads Essen und a Mass Bier ham uns wieder gem a Kraft
Dass hoffentlich a jeder aa wieder den Heimweg guad schafft.
Und a bar Häharoana stehn jetz bestimmt immer no an da Bar,
bei na schneidign Musi, oa bis zwoa Schnapsal und na guadn Untahoitung losst si’s gwies no a paar Stund aushoidn,
des is ganz klar.
Liaba GTEV D´Jenbachtaler Bad Feilnbach, schee war’s bei eich, mia wünschn eich no an scheena weiteren Festverlauf!
Fotos: Barbara Kogler
