Schlittenfahren
Dass sogar Einhörner Schlin fahrn kenan, hod uns am Samstag unser Nachwuchs bewiesen.
Polizisten, Feiawehrler, Zwergal und no vui andane lustig verkleidete Maschgara san da Einladung vom Trachtenverein gfoigt und ham si bei draumhaftn Weda mid eanane Eltern und Großeltern zum maskierten Schlinfahrn auf da Wimmer Oim droffa. Mid vui Juchuuu und nadiale oiwei Voigas sans unermüdlich an Berg obe, dass nur so gstabt hod!
Bei Kinderpunsch, Glühwein und Kuacha vo da Trachtenjugend ham si dann olle zwischendrin aufwarma und stärkn kena.
Und weil so a bissl Schnä im Gnack ja no nia ebban gschod hod, hod aa da Oane oder Andere aus da Vorstandschaft a gscheide Abreibung griagt.
Mia bedanken uns ganz herzlich bei de Organisatoren und Helfer und bei alle de dabei warn, fia den scheena Nammedog und gfrein uns jetz scho auf den naxtn Winter, wenn‘s wieder hoast „Aus da Boooh!“
Fotos: Barbara Kogler